لودھراں: ٹریلر کی موٹرسائیکل رکشے کو ٹکر، میاں، بیوی اور بچوں سمیت 7 افراد جاں بحق

لودھراں میں تیز رفتار ٹریلر نے موٹر سائیکل رکشے کو ٹکر مار دی جس کے نتیجے میں میاں، بیوی اور بچوں سمیت 7 افراد جاں بحق ہوگئے۔ 

پولیس کے مطابق چیک نمبر 100 ایم کے قریب پیش آنے والے اس حادثے میں  2 افراد زخمی بھی ہوئے ہیں۔ 

پولیس کا کہنا ہے کہ ٹریلر کو قبضے میں لے کر ڈرائیور کو گرفتار کرلیا گیا ہے۔ جاں بحق افراد کا تعلق ایک ہی خاندان سے ہے۔

پولیس نے بتایا کہ تیز رفتار ٹریلر نے اوور ٹیک کرتے ہوئے رکشے کو ٹکر ماری۔

بشکریہ جنگ