لندن، نواز شریف کی رہائشگاہ کے باہر پی ٹی آئی کا مظاہرہ

لندن میں نواز شریف کی رہائشگاہ ایون فیلڈ کے باہر پی ٹی آئی کے کارکنان نے مظاہرہ کیا، اس موقع پر (ن) لیگ کی جانب سے عمران خان کی مخالفت میں بھی نعرے بازی کی گئی۔

پی ٹی آئی اور (ن) لیگ کے مظاہرین کے درمیان تلخ جملوں کا تبادلہ بھی ہوا۔

لندن میں میڈیا سے گفتگو کرتے ہوئے نواز شریف نے کہا کہ آرمی چیف کسی پارٹی کا نہیں بلکہ ایک ملکی ادارے کا سربراہ ہوتا ہے۔

ایک موقع پر پی ٹی آئی مظاہرین اور میاں نواز شریف کے سیکیورٹی گارڈ کے درمیان بات لڑائی تک جا پہنچی، جس میں لاتوں اور مکوں کا استعمال بھی کیا گیا۔

پولیس نے تحریک انصاف کے سپورٹر شایان علی کو حراست میں لے لیا، تاہم کچھ دیر بعد اسے رہا کردیا گیا۔

بشکریہ جنگ