لاہور کی جیت پر شعیب ملک کا بھی پیغام سامنے آگیا

پاکستان سپر لیگ (پی ایس ایل) 7 کی ٹیم پشاور زلمی کے کپتان شعیب ملک نے بھی لاہور قلندرز کو مبارکباد دے دی۔

سماجی رابطے کی ویب سائٹ ٹوئٹر پر جاری کیے گئے پیغام میں شعیب ملک نے کہا کہ’لاہور! لاہور اے، لاہور! لاہور اے۔‘

شعیب ملک نے کہا کہ ’جنے لاہور نہیں ویکھیا او جمیا ہی نہیں۔‘

اُنہوں نے قلندرز کی شاندار فتح پر لاہور کے عوام سے مخاطب ہوتے ہوئے کہا کہ لاہوریوں! مبارک ہو۔

واضح رہے کہ پاکستان سپر لیگ (پی ایس ایل) 7 میں ایونٹ کی فیورٹ اور دفاعی چیمپئن ملتان سلطانز کو شکست دے کر لاہور قلندرز پہلی بار چیمپئن بن گئی۔

وزیراعظم عمران خان کی لاہور قلندرز کے کپتان شاہین شاہ آفریدی کی پی ایس ایل 7 کی ٹرافی اٹھانے کی پیش گوئی سچ ثابت ہو گئی۔

قذافی اسٹیڈیم لاہور میں کھیلے گئے فائنل میں لاہور قلندرز نے ملتان سلطانز کو 42 رنز سے شکست دے کر پی ایس ایل کے چیمپئن کا تاج اپنے سر پر سجایا۔

بشکریہ جنگ