لاہور: پاکستان ویمن ٹیم کا ٹاس جیت کر آئرلینڈ کیخلاف بیٹنگ کا فیصلہ

پاکستان ویمن ٹیم نے آئرلینڈ کے خلاف ٹاس جیت کر پہلے ون ڈے میچ میں بیٹنگ کا فیصلہ کیا ہے۔

لاہور کے قذافی اسٹیڈیم میں پاکستان ویمن ٹیم کی قیادت بسمہ معروف اور آئرلینڈ ویمن ٹیم کی قیادت لاورا ڈیلینی کر رہی ہیں۔

صدف شمس پاکستان کی جانب سے ون ڈے ڈیبیو کر رہی ہیں۔

پاکستان اور آئرلینڈ کی ویمن ٹیموں کے درمیان 3 ون ڈے میچز کی سیریز آئی سی سی ویمن چیمپئن شپ کا حصہ ہے۔

دونوں ٹیموں کے درمیان ون ڈے میچز کے بعد 3 ٹی ٹوئنٹی میچز کی سیریز بھی کھیلی جائے گی۔

بشکریہ جنگ