لاہور میں منگیتر کو پیٹرول چھڑک کرجلانے والا ملزم ساتھیوں سمیت گرفتار

لاہور کے علاقے کوٹ لکھپت میں منگیتر کو پیٹرول چھڑک کر آگ لگانے والا ملزم دو ساتھیوں سمیت گرفتار کرلیا گیا۔

پولیس کے مطابق ملزم خرم کی رشتہ دار 22 سالہ کرن سے منگنی ہوئی تھی لیکن کرن نے چند روز قبل شادی سے انکار کر دیا تھا۔

ملزم نے اپنے ساتھیوں وحید اور تنویر کے ہمراہ کرن کے گھر میں گھس کر اس پر پٹرول چھڑک کرآگ لگا دی، واردات کے بعد ملزمان فرار ہوگئے تھے۔

 پولیس نے مقدمہ درج کرکے تینوں کو گرفتار کر لیا۔

پولیس کے مطابق اسپتال میں کرن کی حالت خطرے سے باہر ہے۔

بشکریہ جنگ