لاہور میں راوی کا پانی ملتان روڈ کی آبادیوں میں داخل

لاہور کے علاقے چوہنگ میں دریائے راوی کا پانی ملتان روڈ سے ملحقہ آبادیوں میں داخل ہوگیا۔

پانی کے باعث نانوں ڈوگر اور دیگر علاقوں میں فصلیں تباہ ہوگئیں۔ مقامی زمینداروں کا کہنا ہے کہ انتظامیہ نے نہروں کے لیے پانی ذخیرہ کرنے کی غرض سے ہیڈ بلوکی سے پانی کا اخراج بند کردیا ہے۔

دریائے راوی کے سیلابی ریلے کے سبب زیرو پوائنٹ گیٹ کے پاس سڑک پر پانی آ گیا ہے۔

علاوہ ازیں کرتار پور راہداری کے ذریعے یاتریوں کی آمد بند ہوگئی، بھارت نے زیرو پوائنٹ پر اپنی جانب سے گیٹ نہ کھولے جبکہ پاکستان نے گیٹ کھول دیے تھے۔

بشکریہ جنگ