لاہور: منشیات کا جھوٹا مقدمہ درج کرنے پر ایس ایچ او گرفتار

لاہور میں شہری پر منشیات کا جھوٹا مقدمہ درج کرنے پر تھانے کے ایس ایچ او صفدر سجاد کو گرفتار کرلیا گیا۔

ترجمان پولیس کے مطابق ایس ایچ او ہربنس پورہ پر قبضہ گروپ کی سرپرستی کا بھی الزام ہے۔

ابتدائی تفتیش کے مطابق تشدد کے شکار افراد کی پہلے تکرار اور پھر جھگڑا ہوا تھا، جن سے تکرار اور جھگڑا ہوا انہوں نے لوگوں کو ڈاکو بتا کر تشدد پر اکسایا۔

ایس ایس پی انویسٹی گیشن کی انکوائری میں ایس ایچ او پر الزامات ثابت ہوئے جس کے بعد اسے گرفتار کر کے مقدمہ درج کر لیا گیا۔

ڈی آئی جی آپریشنز کا کہنا ہے کہ کسی بھی افسر کو حق نہیں کہ وہ شہری کو جھوٹے مقدمات میں ملوث کرے۔

بشکریہ جنگ