لاہور: ماں بیٹی سے زیادتی کی FIR میں سقم

لاہور کے علاقے چوہنگ میں ماں بیٹی سے زیادتی کے کیس میں پولیس کی جانب سے درج ایف آئی آر میں سقم سامنے آگئے، زیادتی کے ساتھ لوٹ مار پر ایف آئی آر میں ڈکیتی کی دفعہ نہ لگائی گئی۔

لاہور کے علاقے چوہنگ میں ماں بیٹی سے زیادتی کے واقعے کے بعد کی فوٹیج منظرِ عام پر آ گئی۔

ذرائع کے مطابق عینی شاہد کے باوجود ایف آئی آر سے اس کا نام بھی غائب ہے، واقعے کے بارے میں ون فائیو پر فون کرنے والے شہادتی کا ذکر بھی غائب ہے جبکہ گن پوائنٹ پر اغواء کی دفعہ بھی ایف آئی آر میں موجود نہیں۔

غلام محمود ڈوگر نے کہا کہ رات میں واقعہ کا پتہ چلا تو کامیابی کے لئے منت بھی مانی،واقعہ کا پہلا ملزم صبح 6،سات بجے تک پکڑ لیا تھا۔

گن پوائنٹ پر زیادتی کے باوجود ایف آئی آر میں پستول کا ذکر بھی نہیں، ایف آئی آر میں صرف زیادتی کی دفعہ لگائی گئی ہے۔

اس متعلق قانونی ماہرین کاکہنا ہے کہ ایف آئی آر میں خامیوں کے باعث ملزمان کو سزا دلوانے میں مشکل ہوگی، ضمنی میں دفعات کے اندراج اور شہادت شامل کرنے پر ملزمان کو فائدہ ہو سکتا ہے۔

بشکریہ جنگ