لاہور سے جدہ جانے والی پی آئی اے کی پرواز ساڑھے 5 گھنٹے سے تاخیر کا شکار

لاہور سے جدہ جانے والی پی آئی اے کی پرواز پی کے 859 ساڑھے 5 گھنٹے سے زائد تاخیر کا شکار ہے۔

مسافر کے مطابق پرواز کو شام 5 بجے روانہ ہونا تھا لیکن تاحال روانہ نہیں ہوئی۔

مسافر کا کہنا ہے کہ پی آئی اے حکام نے طیارے میں فنی خرابی کے باعث پرواز میں تاخیر کا بتایا ہے۔

پرواز کی روانگی کیلئے رات ساڑھے 10 بجے کا وقت دیا گیا جو گزر چکا ہے۔

مسافروں نے شکوہ کیا کہ پی آئی اے انتظامیہ مناسب سہولتیں فراہم نہیں کر رہی۔

بشکریہ جنگ