لاہور: این اے 133 میں پولنگ کا آغاز

لاہور کے حلقے این اے 133 میں ضمنی انتخاب کے لیے پولنگ کے وقت کا آغاز ہوگیا ہے، مسلم لیگ نون کی شائستہ پرویز ملک اور پیپلز پارٹی کے چوہدری اسلم گِل سمیت 11امیدوار میدان میں ہیں۔

الیکشن کمیشن کے مطابق پولنگ شام پانچ بجے تک کسی وقفے کے بغیر جاری رہے گی۔ سیکیورٹی کے لیے 2 ہزار سے زائد پولیس اہلکار تعینات کیے گئے ہیں جبکہ رینجرز اہلکار گشت کریں گے۔

الیکشن کمیشن نے پریذائیڈنگ افسران کو ہدایات جاری کی ہیں کہ وہ فارم 45 کی تصویر کھینچتے وقت موبائل پر اپنی لوکیشن آن رکھیں گے۔ پریزائڈنگ افسران فوراً ریٹرننگ افسر کو وائٹس ایپ پر پولنگ ایجنٹس کی موجودگی میں فارم 45 بھیجیں گے۔

واضح رہے کہ این اے 133 لاہور کی نشست مسلم لیگ نون کے ایم این اے محمد پرویز ملک کے انتقال کے باعث خالی ہوئی تھی۔

بشکریہ جنگ