لاہور ایئرپورٹ پر دھند میں اضافہ، فضائی آپریشن معطل

لاہور ایئرپورٹ پر دھند میں اضافے کے بعد حد نگاہ 100 میٹر سے بھی کم رہ گئی ہے۔

نیشنل ہائی وے پر بھی مختلف علاقوں میں شدید دھند چھا گئی ہے۔ دھند کے باعث لاہور ایئرپورٹ پر فضائی آپریشن معطل کردیا گیا۔

ایئرپورٹ حکام کے مطابق دھند کے سبب ایئرپورٹ پر فضائی آپریشن معطل کر دیا گیا ہے۔ 

حکام کا مزید کہنا ہے کہ کراچی سے آنے والی پرواز پی اے 406 کو واپس موڑ دیا گیا۔ 

حکام نے مزید بتایا کہ دھند کے سبب پرواز پی ایف 145 کو بھی واپس کراچی اتار دیا گیا جبکہ ٹورنٹو سے آنے والی پی آئی اے کی پرواز کو اسلام آباد موڑ دیا گیا۔

بشکریہ جنگ