لاس اینجلس کے پارک میں فائرنگ، 2 افراد ہلاک، 5 زخمی

امریکی شہر لاس اینجلس کے پارک میں فائرنگ سے 2 افراد ہلاک جبکہ 5 زخمی ہوگئے۔

فائر ڈپارٹمنٹ کے مطابق پیرامیڈیکس نے 4 مردوں اور 3 خواتین کو زخمی حالت میں اسپتال منتقل کیا۔ جہاں 2 افراد دم توڑ گئے۔

فائرنگ کا واقعہ ایک پارک میں پیش آیا جہاں گاڑیوں کا شو جاری تھا۔

پولیس کے مطابق مشتبہ ملزم کی کوئی تفصیلات دستیاب نہیں، تاحال کسی ملزم کو گرفتار نہیں کیا جاسکا ہے۔

بشکریہ جنگ