قید سے آزادی پانے کے بعد ہرنوں کے دوڑنے کی ویڈیو وائرل

بھارت میں ہرنوں کو آزاد کرنے کی ایک ویڈیو سامنے آگئی ہے، یہ ویڈیو انڈین فوریسٹ سروس (آئی ایف ایس) کے ایک آفیسر کی جانب سے جاری کی گئی ہے۔

ویڈیو میں دیکھا جاسکتا ہے کہ محکمہ جنگلات کا عملہ ایک گاڑی کو لے کر جنگل میں پہنچتا ہے اور جیسے ہی اس گاڑی میں موجود پنجرے کا دروازہ کھولتا ہے تو اس میں بند بہت سارے ہرن فوراً ہی دوڑ لگادیتے ہیں۔

انڈین فوریسٹ سروس کے آفیسر پروین کاسوان اکثر جنگلی جانوروں کی ویڈیوز پوسٹ کرتے رہتے ہیں اور اس کے ذریعے اپنے کام کے بارے میں بھی سوشل میڈیا صارفین کو آگاہ کرتے ہیں۔

اسی تناظر میں پروین کاسوان نے 29 دسمبر کو ہرنوں کو آزاد کرنے کی ایک ویڈیو اپنے ٹوئٹر اکاؤنٹ سے شیئر کی ہے جسے سوشل میڈیا صارفین خوب پسند کیا ہے۔

ویڈیو میں دیکھا جاسکتا ہے کہ کس طرح جنگل میں ایک پنجرے میں قید بہت سارے ہرن کو لایا جاتا ہے اور انہیں قید سے رہائی دی جاتی ہے تو وہ خوشی خوشی دوڑ لگادیتے ہیں۔

بشکریہ جنگ