قیادت نے مشاورت سے مارچ کی تاریخ طے کی، ترجمان پی ڈی ایم

حکومت مخالف اتحاد پاکستان ڈیمو کریٹک موؤمنٹ (پی ڈی ایم) کے ترجمان حافظ حمد اللّٰہ کا کہنا ہے کہ قیادت نے مشاورت سے مارچ کی تاریخ طے کی ہے۔

جیو نیوز کے پروگرام جیو پاکستان میں گفتگو کرتے ہوئے پی ڈی ایم کے ترجمان حافظ حمد اللّٰہ نے مارچ کی تاریخ سے متعلق بتاتے ہوئے کہا کہ 23 مارچ یوم جمہوریہ ہے اور پاکستان میں فی الحال جمہوریت نہیں ہے۔

مولانا فضل الرحمان نے کہا کہ سیالکوٹ واقعے کی پی ڈی ایم اجلاس میں بھرپور مذمت کی گئی۔

ترجمان پی ڈی ایم نے کہا کہ ہمارا اصولی طور پر فیصلہ استعفوں کا ہے، مسئلہ صرف وقت کا ہے ۔

ان کا مزید کہنا تھا کہ جب قیادت کو محسوس ہوا کہ استعفوں کا آپشن استعمال کرنا بہتر ہے تو استعمال کریں گے۔

واضح رہے کہ پی ڈی ایم کے سربراہ مولانا فضل الرحمٰن نےگزشتہ روز 23 مارچ کو اسلام آباد کی جانب مہنگائی مارچ کرنے کا اعلان کیا ہے۔

پی ڈی ایم اجلاس کے بعد میڈیا سے گفتگو کرتے ہوئے مولانا فضل الرحمٰن نے کہا کہ 2018 ء میں عوامی حمایت سے محروم جعلی حکومت وجود میں آئی ہے۔

بشکریہ جنگ