قومی کھلاڑیوں کی ٹریننگ سیشن سے قبل سوئمنگ پول میں تفریح

پاکستانی کرکٹ ٹیم کے کھلاڑیوں نے دبئی میں ٹریننگ سیشن سے قبل سوئمنگ پول سرگرمی میں حصہ لیا۔

سب سے پہلے ٹی ٹوئنٹی ورلڈکپ کے سیمی فائنل میں پہنچنے والی پاکستانی کرکٹ ٹیم نے دبئی کے مقامی سوئمنگ پول میں تفریح کی۔

ٹیم کے کھلاڑیوں نے سوئمنگ کرتے ہوئے پول میں والی بال کا میچ بھی کھیلا، اس موقع پر پاکستانی کھلاڑی بہت خوش نظر آئے۔

قومی کرکٹ ٹیم کے اسکواڈ میں شامل کھلاڑیوں نے آئی سی سی اکیڈمی میں پریکٹس کی۔

واضح رہے کہ اسکاٹ لینڈ کے خلاف میچ میں پاکستان ٹیم میں کسی تبدیلی کا امکان نہیں ہے۔

ورلڈ کپ ٹی ٹوئنٹی میں پاکستان ٹیم ناقابل شکست رہتے ہوئے پہلے ہی سیمی فائنل کیلئے کوالیفائی کرچکی ہے۔

بشکریہ جنگ