قومی ٹی ٹوئنٹی کپ: اسکواڈ میں شامل گاڑیاں آپس میں ٹکراگئیں، 5 زخمی

لاہور میں جاری نیشنل ٹی ٹوئنٹی ٹورنامنٹ کے لیے اسکواڈ کو لے جانے والے کاروان میں شامل گاڑیاں آپس میں ٹکرا گئیں، جس کے نتیجے میں 5 افراد زخمی ہوگئے۔ 

پولیس کا کہنا ہے کہ مذکورہ واقعہ لاہور کے مال روڈ پر پیش آیا۔ 

پولیس حکام کے مطابق ریسکیو فائر بریگیڈ کی گاڑی ایلیٹ فورس کی گاڑی سے ٹکرا گئی، جس کے باعث ایلیٹ فورس کے 5 اہلکار زخمی ہوئے۔ 

پولیس کے مطابق زخمی اہلکاروں کو سروسز اسپتال منتقل کردیا گیا۔

بشکریہ جنگ