قومی ٹیم کا نیوزی لینڈ میں ڈنر، تصاویر وائرل

قومی کرکٹ ٹیم کے کھلاڑی سہ فریقی ٹی ٹوئنٹی سیریز کے لیے نیوزی لینڈ میں موجود ہیں۔

سماجی رابطے کی سائٹ ٹوئٹر پر پاکستان کرکٹ بورڈ (پی سی بی) نے کھلاڑیوں کے ڈنر کی تصاویر شیئر کی ہیں۔

پی سی بی کی جانب سے شیئر کی جانے والی تصاویر میں قومی ٹیم کے کپتان بابر اعظم سمیت دیگر کھلاڑی موجود ہیں۔

میزبان ٹیم نیوزی لینڈ نے سہ ملکی ٹی ٹو ئنٹی سیریز سے قبل لنکن ہائی پرفارمنس سینٹر میں بھرپور ٹریننگ سیشن کیا۔

تصاویر میں دیکھا جا سکتا ہے کہ کھلاڑیوں کے ساتھ بولنگ کوچ شان ٹیٹ بھی موجود ہیں، کھانے کی میز پر تمام لوگ خوشگوار موڈ میں نظر آ رہے ہیں۔

واضح رہے کہ سہ ملکی سیریز کے پہلے میچ میں کل پاکستان اور بنگلا دیش کی ٹیمیں مد مقابل ہوں گی جبکہ ہفتے کو نیوزی اور پاکستان کی ٹیمیں آمنے سامنے ہوں گی۔

بشکریہ جنگ