قومی سلامتی کمیٹی نے واضح کردیا کوئی سازش نہیں ہوئی، مریم اورنگزیب

وزیر اطلاعات مریم اورنگزیب نے سابق وزیر اعظم عمران خان پر تنقید کرتے ہوئے کہا کہ قومی سلامتی کمیٹی کے اعلامیہ کے بعد آپ کا سازش کا بیانیہ دفن ہوچکا۔

اسلام آباد میں پریس کانفرنس کرتے ہوئے مریم اورنگزیب نے کہا کہ عمران خان نے الیکشن کمیشن سے اپنے اکاؤنٹس چھپائے۔

مریم اورنگزیب نے عمران خان کو تنقید کا نشانہ بناتے ہوئے کہا کہ تم جھوٹے تھے، جھوٹے ہو، نالائق تھے نالائق ہو۔

وزیر اطلاعات نے کہا کہ قومی سلامتی کمیٹی نے واضح کردیا کہ کوئی سازش نہیں ہوئی، پاکستان کے عوام آپ کی اصلیت جان چکے ہیں۔

بشکریہ جنگ