قومی اسکواڈ اگلے میچ کیلئے ایڈیلیڈ روانہ

ٹی ٹوئنٹی ورلڈ کپ میں قومی کرکٹ ٹیم اپنے اگلے میچ کیلئے سڈنی سے ایڈیلیڈ روانہ ہوگئی۔

پاکستانی اسکواڈ کل ایڈیلیڈ اوول میں ٹریننگ سیشن کرے گا۔

آئی سی سی ٹی ٹوئنٹی ورلڈ کپ میں آج گروپ بی میں دو میچز کھیلے جائیں گے۔

قومی ٹیم کا ٹریننگ سیشن دوپہر 2 سے شام  5 بجے تک جاری رہے گا۔

پاکستان ٹی ٹوئنٹی ورلڈ کپ کے سپر 12 مرحلے کا آخری میچ اتوار کو بنگلا دیش کے خلاف کھیلے گا۔

واضح رہے کہ قومی ٹیم نے گزشتہ روز جنوبی افریقا کے خلاف اہم میچ میں شاندار کارکردگی کا مظاہرہ کرتے ہوئے جیت اپنے نام کی اور ایونٹ کا سیمی فائنل کھیلنے کی امید کو زندہ رکھا ہوا ہے۔

بشکریہ جنگ