قائد کا استقبال، مریم نے سندھ کے کارکنوں سے فرمائش کردی

پاکستان مسلم لیگ ن کی سینئر نائب صدر و چیف آرگنائزر مریم نواز نے پارٹی قائد نواز شریف کے استقبال کے لیے مینار پاکستان آنے والے سندھ کے کارکنان سے سندھی ٹوپی اور اجرک پہن کر آنے کی فرمائش کردی۔

مٹیاری میں نواز شریف کی استقبالیہ کمیٹی کے اجلاس سے ویڈیو لنک پر خطاب میں مریم نواز نے کہا کہ وہ سندھ کے کارکنوں کا مینار پاکستان پر انتظار کریں گی۔

مریم نواز کا کہنا تھا کہ نواز شریف آپ کے لیے آرہے ہیں۔

دوسری جانب حمزہ شہباز نے ایک بیان میں کہا کہ نواز شریف کی آمد پاکستان کی معاشی ترقی و خوشحالی کی تیاری ہے۔

انہوں نے کہا کہ چوتھی بار نواز شریف کا وزیراعظم بننا پاکستان کی معاشی ترقی کا چوتھا موقع ہوگا۔

بشکریہ جنگ