فیصل آباد کی سڑکوں پر سائیکل چلاتا یہ معروف غیر ملکی کرکٹر کون ہے؟
فیصل آباد کی سڑکوں پر سائیکل چلاتے بغیر کسی پروٹوکول کے عام حالت میں موجود یہ معروف جنوبی افریقی کرکٹر فینی ڈی ویلئیرز ہیں۔
پاکستان کرکٹ ٹیم کے سابق کپتان اور مایہ ناز وکٹ کیپر راشد لطیف نے فینی ڈی ویلئیرز کی ماضی کی یہ تصویر اپنے ٹوئٹر اکاؤنٹ کی زینت بنائی اور ماضی کی خوشگوار یادوں کو اپنے مداحوں کے ساتھ شیئر کیا۔
تصویر شیئر کرتے ہوئے انہوں نے صرف ’معروف کھلاڑی‘ لکھا۔
راشد لطیف کے اس ٹوئٹ پر شائقین کرکٹ کے تبصروں کا تانتا بندھ گیا۔
1996 میں جنوبی افریقی کرکٹ ٹیم نے جب پاکستان کا دورہ کیا تو سابق جنوبی افریقی باؤلر فینی ڈی ویلئیرز فیصل آباد کی سڑکوں پر سائیکل چلاتے دکھائی دیے۔
اس تاریخی تصویر کو شیئر کرنے پر شائقین کرکٹ راشد لطیف کا شکریہ بھی ادا کررہے ہیں۔
بشکریہ جنگ
Comments are closed.