فیصل آباد : بے لباس کرنے کے کیس میں خواتین کے خلاف کراس ورژن درج

فیصل آباد میں خواتین پر تشدد اور بے لباس کرنے کے کیس میں ملزمان کی جانب سے دی گئی درخواست پر خواتین کیخلاف کراس ورژن درج  کرلیا گیا۔

پولیس کا کہنا ہے کہ کراس ورژن چوری کی کوشش کی دفعات کے تحت 4 خواتین کے خلاف درج کیا گیا۔

مرکزی ملزم صدام کے بھائی نے چوری کے الزام میں خواتین کے خلاف درخواست دی تھی۔

فیصل آباد کے ملت ٹاؤن میں خواتین کو بے لباس کرنے کے کیس میں نیا موڑ آگیا۔

 پولیس  کا کہنا ہے کہ 4 خواتین پر تشدد اور بے لباس کے الزام میں درج مقدمہ میں 5 ملزمان گرفتار ہیں۔

واضح رہے کہ فیصل آباد کے ملت بازار میں 6 دسمبر کو 4 خواتین پر دکانداروں نے چوری کے الزام لگاتے ہوئے تشدد کیا تھا۔

بشکریہ جنگ