فیصل آباد میں خواتین کے جھگڑے میں 8 ماہ کا بچہ چل بسا

فیصل آباد کے علاقے چک جھمرہ میں خواتین کے جھگڑے میں 8 ماہ کا بچہ چل بسا۔

بچے کی والدہ مقدس بی بی نے حملہ آور خواتین پر الزام لگایا ہے کہ انہوں نے جھگڑے کے دوران بچے کو چھین کر زمین پر پٹخ دیا تھا۔

پولیس ذرائع کے مطابق مقدس نامی خاتون کا مالک مکان کی دو بہنوں سے کرائے کے معاملے پر جھگڑا ہوا تھا، جس کے دوران 8 ماہ کا بچہ جاں بحق ہو گیا۔

بچے کی والدہ مقدس بی بی نے الزام عائد کیا کہ حملہ آور خواتین نے اس سے اس کا بیٹا چھین کر زمین پر پٹخ دیا جس سے وہ دم توڑ گیا۔

پولیس نے مقدس بی بی درخواست پر بچے کے قتل کے الزام میں مقدمہ درج کر کے دونوں خواتین کو گرفتار کرلیا ہے۔

بشکریہ جنگ