فیاض دیو نے CCPO لاہور کا چارج سنبھال لیا

فیاض دیو نے سی سی پی او لاہور کا چارج سنبھال لیا، وہ موجودہ حکومت میں 5 ویں سی سی پی او لاہور ہیں۔

نوٹیفکیشن کے مطابق فیاض دیو کو نیا سی سی پی او لاہور، شہزادہ سلطان کو ڈی آئی جی انویسٹی گیشن اور احسن یونس کو ڈی آئی جی آپریشنز لاہور تعینات کیا گیا ہے۔

سی سی پی او لاہور فیاض دیو نے اس موقع پر میڈیا سے گفتگو کرتے ہوئے کہا کہ عوام کی فوری داد رسی اور جرائم کا خاتمہ میرا مشن ہے۔

نوٹیفیکیشن کے مطابق سعید الرحمان کو ڈی ایس پی ٹو اینٹی رائیٹ یونٹ لاہور تعینات کیا گیا ہے ۔

انہوں نے یہ بھی کہا کہ مقدمات میں تاخیر برداشت نہیں کی جائے گی، قبضہ گروپوں کے خلاف سخت ایکشن لیں گے۔

بشکریہ جنگ