فُٹ بال شائقین نے بلی کو اونچائی سے گرنے سے بچا لیا

سوشل میڈیا سائٹس انسٹا گرام اور ٹوئٹر پر اس وقت ایک ویڈیو وائرل ہے جس میں فٹ بال شائقین نے کئی فٹ اونچائی سے گرتی بلی کو بچاتے ہوئے تمام کراؤڈ کے دل جیت لیے ہیں۔

وائرل ہوتی ویڈیو امریکا کے شہر میامی میں فٹ بال میچ کے دوران بنائی گئی ہے۔

اسٹیڈیم میں شائقین میچ دیکھنے میں مشغول تھے کہ اچانک اُن کی نظر اسٹیڈیم کی دوسری منزل پر ایک بلی پر پڑی جو کہ خود کو گرنے سے بچانے کے لیے لٹکی ہوئی تھی۔

خود کو بچانے کے لیے لٹکی ہوئی بلی زیادہ دیر پنجوں کا سہارا نہ لے سکی  اور تھک ہار کر نچے گر گئی۔

ویڈیو میں دیکھا جا سکتا ہے کہ دوسری منزل سے بلی کو گرتے دیکھ کر شائقین نیچے اپنے ملک کا جھنڈا لے کر کھڑے ہو گئے اور بلی کو گرنے اور زخمی ہونے سے بچانے میں کامیاب ہو گئے۔

اس موقع پر وہاں موجود سب ہی شائقین نے بلی کی جان بچانے والے افراد کے لیے خوب تالیاں بجائیں اور بلی کو محفوظ دیکھ کر خوشی سے جھوم اٹھے۔

بشکریہ جنگ