فوج یا آئی ایس آئی کی مداخلت کا ثبوت ہے تو لائیں، ڈی جی آئی ایس پی آر

پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) آئی ایس پی آر لیفٹیننٹ جنرل بابر افتخار کا کہنا ہے کہ مارچ 2021 کے بعد کسی الیکشن میں فوج یا آئی ایس آئی کی مداخلت کا ثبوت ہے تو لائیں۔

راولپنڈی میں ڈی جی آئی ایس آئی لیفٹیننٹ جنرل ندیم انجم کے ہمراہ پریس کانفرنس کرتے ہوئے لیفٹیننٹ جنرل بابر افتخار نے کہا کہ ہم پر مفروضوں اور عجیب و غریب باتیں کر کے انگلیاں اٹھ رہی تھیں، جن کا نام بھی اس معاملے میں آرہا ہے انہیں شامل تفتیش ضرور کرنا چاہیے۔

ڈی جی آئی ایس پی آر کا کہنا ہے کہ ادارے پر غیر ضروری طور پر انگلیاں اٹھنا شروع ہوگئیں، ہم نےخود کو انکوائری سے الگ کیا تا کہ کوئی ہم پر بات نہ کر سکے، غیر سیاسی رہنا کسی فرد کا نہیں ادارے کا فیصلہ ہے، ارشد شریف کے معاملے کی تفتیش کو مکمل غیرجانبدار ہونا چاہیے۔

پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) آئی ایس پی آر لیفٹیننٹ جنرل بابر افتخار کا کہنا ہے کہ صحافی ارشد شریف کی موت کے معاملے پر انکوائری ہونی چاہیے۔

اس موقع پر ڈی جی آئی ایس آئی لیفٹیننٹ جنرل ندیم انجم نے کہا کہ تحریک عدم اعتماد ناکام بنانےکے لیے سابقہ حکومت نے آرمی چیف کو غیرمعینہ مدت تک توسیع کا کہا تھا۔

انہوں نے کہا کہ پاکستان کو بیرونی خطرات یا عدم تحفظ سے خطرہ نہیں ہے، پاکستان کا دفاع اس لیے مضبوط ہے کہ اس کی ذمے داری 22 کروڑ عوام نے لی ہے۔

بشکریہ جنگ