فواد چوہدری کی امریکی سفیر سے 1 گھنٹہ طویل ملاقات، ذرائع

پاکستان تحریک انصاف (پی ٹی آئی) کے سینئر رہنما فواد چوہدری نے اسلام آباد میں امریکی سفیر ڈونلڈ بلوم سے ملاقات کی ہے۔

ذرائع کے مطابق فواد چوہدری نے امریکی سفیر ڈونلڈ بلوم سے امریکی سفارت خانے میں ایک گھنٹے تک ون آن ون ملاقات کی۔

ذرائع کے مطابق پی ٹی آئی رہنما اور امریکی سفیر کی ملاقات آج سہ پہر 3 سے 4 بجے تک جاری رہی۔

سفارتی ذرائع کے مطابق امریکی سفیر موجودہ حکمران اتحاد پاکستان ڈیموکریٹک موومنٹ (پی ڈی ایم) اور پی ٹی آئی رہنماؤں سے ملتے رہتے ہیں۔

ذرائع کے مطابق سفیر کی ان ملاقاتوں کی تفصیلات جاری نہیں کی جاتی ہے۔

امریکی سفارتخانے نے فواد چوہدری اور ڈونلڈ بلوم کی ملاقات پر تبصرے سے گریز کیا ہے۔

یاد رہے کہ گزشتہ چند ماہ سے چیئرمین پی ٹی آئی عمران خان عوامی اجتماعات میں امریکا پر سازش کے ذریعے اپنی حکومت گرانے کا الزام لگاتے رہے ہیں۔

بشکریہ جنگ