فواد چوہدری کا راولپنڈی ٹیسٹ میں ڈیڈ وکٹ پر مایوسی کا اظہار

وفاقی وزیر برائے اطلاعات و نشریات فواد چوہدری نے راولپنڈی ٹیسٹ میں ڈیڈ وکٹ پر مایوسی کا اظہار کیا ہے۔

انہوں نے ٹوئٹر پر جاری پیغام میں کہا کہ تاریخی ٹیسٹ میچ کے لئے پی سی بی کا ڈیڈ وکٹ کے انتخاب پر مایوسی ہوئی۔

وفاقی وزیر نے کہا کہ ہمارے پاس خطرناک پیس اٹیک ہے پھرہمیں ایسی ڈیڈ پچزکی کیا ضرورت ہے۔

آسٹریلیا کے خلاف پنڈی ٹیسٹ کی دونوں اننگز میں سنچری اسکور کرنے والے امام الحق میچ میں ایک قومی کرکٹر کو مِس کرتے رہے۔

واضح رہے کہ پاکستان اور آسٹریلیا کے درمیان راولپنڈی ٹیسٹ ڈرا ہوگیا، پہلی اننگز میں آسٹریلیا کے 459 رنز پر ڈھیر ہوجانے کے بعد پاکستان نے اپنی دوسری اننگز میں بغیر کوئی وکٹ گنوائے 252 رنز بنائے تھے۔

پاکستان اور آسٹریلیا کے درمیان دوسرا ٹیسٹ میچ 12 مارچ سے کراچی کے نیشنل اسٹیڈیم میں کھیلا جائے گا۔

بشکریہ جنگ