فلپائن کا ڈیم سوکھنے سے 300 سال پرانا شہر عیاں: ’ہمارے دیکھتے دیکھتے ہمارے ڈیم کی سطح کم ہونے لگی‘،تصویر کا ذریعہGetty Images
،تصویر کا کیپشنپنتابنگن نامی یہ شہر سنہ 1970 کی دہائی میں آبی ذخائر کی تعمیر کے نتیجے میں ڈوب گیا تھا

  • مصنف, جوئل گوئنٹو
  • عہدہ, بی بی سی نیوز
  • 2 گھنٹے قبل

دنیا بھر میں موسم گرما کی سختی کا ذکر ہو رہا ہے لیکن فلپائن میں شدید درجہ حرارت کی وجہ سے ایک بڑا ڈیم جزوی طور پر خشک ہو گیا ہے جس کے باعث تقریباً 300 سال پرانے شہر کے کھنڈرات دوبارہ نظر آنے لگے ہیں۔پنتابنگن نامی یہ شہر سنہ 1970 کی دہائی میں آبی ذخائر کی تعمیر کے نتیجے میں ڈوب گیا تھا لیکن کبھی کبھی انتہائی خشک اور گرم مواقع پر یہ شہر پانی سے باہر نظر آتا ہے۔اس بار یہ قصبہ ایک بار پھر نظر آنے لگا ہے جب تقریباً نصف ملک خشک سالی کا شکار ہے اور بعض مقامات پر تو درجہ حرارت 50 سینٹی گریڈز تک پہنچ گیا ہے۔ملک کے ڈیموں کا نظام دیکھلے والی ریاستی ایجنسی کے انجینئر مارلون پالادین نے خبر رساں ایجنسی اے ایف پی کو بتایا کہ ڈیم کی تعمیر کے بعد یہ قصبہ اب تک سب سے طویل عرصے تک پانی کے اوپر نظر آ رہا ہے۔

شدید گرمی نے لاکھوں لوگوں کی روزمرہ زندگی کو درہم برہم کر دیا ہے۔ سکول کئی دنوں سے بند ہیں جبکہ دفتری ملازمین کو گھر سے کام کرنے کا مشورہ دیا جا رہا ہے۔ریاست کے زیرِ انتظام موسمیاتی بیورو پگاسا کے ماہر موسمیات بینیسن ایسٹاریجا نے بی بی سی نیوز کو بتایا کہ آنے والے دنوں میں بھی یہ معمول سے زیادہ گرم ہو سکتا ہے۔،تصویر کا ذریعہGetty Images

،تصویر کا کیپشناس ڈیم سے آس پاس کے چاول اگانے والے علاقے کو پانی دیا جاتا ہے
انھوں نے کہا کہ ‘فلپائن پر موسمیاتی تبدیلیوں کا عمومی اثر گرم درجہ حرارت ہے۔ ہم جس گرمی کا سامنا کر رہے ہیں، آنے والے دنوں میں اس میں مسلسل اضافہ ہو سکتا ہے۔’فلپائن اپنے گرم اور خشک موسم کے وسط میں ہے جس کی وجہ ایل نینو یعنی بحر الکاہل کی سطح پر پانیوں میں غیر معمولی حدت ہے۔ اس جزیرہ نما ملک کا پورا مشرقی ساحل بحر الکاہل سے لگا ہوا ہے۔جنوب مشرقی ایشیا کا یہ ملک موسمیاتی تبدیلیوں کے اثرات سے دنیا کے سب سے زیادہ خطرے سے دوچار ممالک میں سے ایک ہے۔اس کا مرطوب موسم نے بڑے بڑے طوفانوں کو دیکھا ہے جن میں سنہ 2013 میں آنے والا سپر ٹائفون ہیان بھی شامل ہے، جو کہ تاریخ کا سب سے طاقتور طوفان تھا۔مسٹر سٹاریجا نے کہا: ’ہم دیکھ رہے ہیں کہ ہمارے ڈیم کی سطح کم ہو رہی ہے اور ایسا پنتا بنگن سیمت دیگر علاقوں میں دیکھا جا رہا ہے۔‘،تصویر کا ذریعہGetty Images
،تصویر کا کیپشنپانی سے اوپر آنے والا یہ قصبہ سیاحوں کی توجہ کا مرکز بن گيا ہے
سرکاری اعداد و شمار کے مطابق وہاں پانی کی سطح 221 میٹر کی معمول کی بلندی سے تقریباً 50 میٹر نیچے چلی گئی ہے۔مسٹر پلادین نے اے ایف پی کو بتایا کہ یہ کھنڈرات مارچ میں دوبارہ نظر آنے لگے تھے کیونکہ علاقے میں اس وقت سے تقریباً کوئی بارش نہیں ہوئی ہے۔ کھنڈرات کے دوبارہ ابھرنے نے سیاحوں کو اس قصبے کی طرف راغب کیا، جو دارالحکومت منیلا سے تقریباً 202 کلومیٹر (125 میل) شمال میں واقع ہے۔فلپائن کے علاوہ بنگلہ دیش میں بھی گرمی کے سبب سکول بند کر دیے گئے ہیں جس سے تقریبا سوا تین کروڑ طلباء متاثر ہوئے ہیں۔تھائی لینڈ کی وزارت صحت نے بتایا ہے ملک میں رواں سال جنوری سے 17 اپریل کے درمیان لو لگنے سے 30 افراد ہلاک ہوگئے ہیں جبکہ گذشتہ سال یہ تعداد 37 تھی۔ سرحد پار میانمار میں درجہ حرارت 45 ڈگری سینٹی گریڈ سے بڑھ گیا ہے۔
BBCUrdu.com بشکریہ

body a {display:none;}