فروری میں کرنٹ اکاونٹ خسارہ 54 کروڑ ڈالر رہا

پاکستان کا کرنٹ اکاؤنٹ خسارہ فروری میں 54 کروڑ ڈالر رہا۔

اسٹیٹ بینک کے مطابق فروری میں ملکی تجارتی خسارہ جنوری کے مقابلے 40 فیصد کم ہوکر 2 ارب 31 کروڑ ڈالر رہا۔

اعداد و شمار کے مطابق فروری میں ملکی درآمدات 5 ارب 16 کروڑ ڈالر رہیں جبکہ جنوری میں ملکی درآمدات 6 ارب 31 کروڑ ڈالر تھیں۔

سندھ صرافہ بازار جیولرز ایسوسی ایشن کے مطابق ملک میں ایک تولہ سونے کا بھاؤ ایک لاکھ 30 ہزار روپے ہے۔

اسٹیٹ بینک کے مطابق فروری میں تجارت، خدمات اور آمدن کا خسارہ 2 ارب 85 کروڑ ڈالر رہا جو جنوری کے مقابلے 1 ارب 74 کروڑ ڈالر کم ہے جبکہ خسارے کی فنانسنگ کے لیے فروری کی ترسیلات 2 ارب 16 کروڑ ڈالر رہیں۔

اسٹیٹ بینک کے مطابق فروری کے اعداد شامل کرلینے کے بعد 8 مہینوں میں ملکی کرنٹ اکاؤنٹ خسارہ 12 ارب 9 کروڑ ڈالر ہے، اس دورانیے میں ملکی برآمدات 20 ارب ڈالر جبکہ درآمدات 48 ارب ڈالر ہیں۔

اسٹیٹ بینک کے مطابق 8 مہینوں میں تجارت، خدمات اور آمدن کا خسارہ 33 ارب ڈالر ہے جبکہ 8 ماہ میں ورکرز ترسیلات 20 ارب ڈالر رہیں۔

بشکریہ جنگ