فرخ حبیب کی اعتزاز احسن کو PTI میں شمولیت کی دعوت

پاکستان تحریکِ انصاف کے رہنما فرخ حبیب نے پاکستان پیپلز پارٹی کے رہنما اعتزاز احسن کو پی ٹی آئی میں شمولیت کی دعوت دے دی۔

ایک بیان میں فرخ حبیب نے کہا ہے کہ اعتزاز احسن پی ٹی آئی میں شامل ہونا چاہتے ہیں تو آ جائیں۔

ان کا کہنا ہے کہ اعتزاز احسن اپنی پارٹی میں کھل کر اختلاف کرتے ہیں وہ ورکرز کے رول ماڈل ہیں۔

مسلم لیگ ن کی نائب صدر مریم نواز کے شوہر کیپٹن ریٹائرڈ صفدر کا کہنا ہے کہ اعتزاز احسن نے عدالتی فیصلے کو متنازع بنانے کی کوشش کی، وہ پی ٹی آئی کا سینیٹر بننے کی کوشش میں ایسا کر رہے ہیں۔

فرخ حبیب کا مزید کہنا ہے کہ ن لیگ اور پاکستان پیپلز پارٹی میں بادشاہی ہے، کسی کی جرأت نہیں کہ اختلاف کرے۔

پاکستان تحریکِ انصاف کے رہنما نے یہ بھی کہا کہ پارٹی میں آنے کے لیے ہر اچھے بندے کے لیے راستے کھلے ہوئے ہیں۔

بشکریہ جنگ