فرح خان نے اپنے وکیل کی جانب سے عطااللّٰہ تارڑ کو لیگل نوٹس بھجوا دیا

سابق وزیر اعظم عمران خان کی اہلیہ بشریٰ بی بی کی دوست فرح خان نے مسلم لیگ ن کے رہنما عطا اللّٰہ تارڑ کی جانب سے الزامات لگانے کے معاملے پر انہیں قانونی نوٹس بھجوادیا۔

فرح خان نے اپنے وکیل اظہر صدیق ایڈوکیٹ کے ذریعے عطا اللّٰہ تارڑ کو لیگل نوٹس بھجوایا۔

ایک پولیس افسر نے انکشاف کیا ہے کہ لاہور میں ڈیفنس کے پوش علاقے میں فرح کے گھر پر ہر وقت پولیس کی تین گاڑیاں بھی موجود رہتی تھیں۔

قانونی نوٹس میں عطا اللّٰہ تارڑ سے 7 روز میں غیر مشروط معافی اور الزامات واپس لینے کا مطالبہ کیا گیا ہے۔

نوٹس کے متن میں لکھا ہے کہ عطا اللّٰہ تارڑ میڈیا پر آکر معافی مانگیں اور الزامات واپس لیں۔

لیگل نوٹس میں کہا گیا ہے کہ معافی نہ مانگنے پر 5 ارب روپے ہرجانے کی قانونی کارروائی کی جائے گی۔

بشکریہ جنگ