فخر زمان نے آئی سی سی پلیئر آف دی منتھ کا ایوارڈ جیت لیا

پاکستان کرکٹ ٹیم کے اوپننگ بیٹر فخر زمان نے آئی سی سی پلیئر آف دی منتھ کا ایوارڈ جیت لیا۔

اس حوالے سے فخر زمان نے دلچسپ انداز میں اپنا ردعمل دیا اور مداحوں کا شکریہ بھی ادا کیا۔

سوشل میڈیا اکاؤنٹ پر فخر زمان نے لکھا کہ ’جس طریقے سے چیپمین بھائی نے ہمیں ٹی ٹوئنٹی میں کوٹا تھا مجھے تو لگا اس کو ہی ملے گا‘۔

نیوزی لینڈ کے خلاف پانچ ون ڈے میچوں میں فخر زمان 363 رنز بنا کر مین آف دی سیریز قرار پائے تھے۔

انٹرنیشنل کرکٹ کونسل نے اپریل 2023 کے پلیئر آف دی منتھ کی نامزدگیوں کا اعلان کیا تھا۔

آئی سی سی پلیئر آف دی منتھ کے لیے فخر زمان کے علاوہ سری لنکا کے پرابتھ جے سوریا اور نیوزی لینڈ کے مارک چیپمین کو بھی ایوارڈ کے لیے نامزد کیا گیا تھا۔

واضح رہے کہ اس وقت فخر زمان ون ڈے بیٹرز کی رینکنگ میں دوسری پوزیشن پر ہیں جو انہوں نے نیوزی لینڈ کے خلاف سیریز کے دوران ہی حاصل کی تھی۔

بشکریہ جنگ