فخر زمان بگ بیش میں آج پہلا میچ کھیلیں گے

پاکستانی کرکٹر فخر زمان آج بگ بیش لیگ میں اپنا پہلا میچ کھیلیں گے۔

فخر زمان کو برسبین ہیٹ کے اسکواڈ میں شامل کر لیا گیا ، برسبین ہیٹ کے 12 کھلاڑی کورونا وائرس کا شکار ہیں۔

برسبین ہیٹ اور میلبرن رینیگیڈز کے درمیان میچ آج کھیلا جائے گا جس میں برسبین ہیٹ کی ٹیم میں ممکنہ طور پر 10 کھلاڑیوں کا ڈیبیو ہو گا۔ 

آسٹریلیا کی بگ بیش لیگ کی ایک اور ٹیم کورونا وائرس کی لپیٹ میں آگئی، ٹیم برسبین ہیٹ کے متعدد ارکان کے کوویڈ ٹیسٹ مثبت آئے ہیں۔

خیال رہے کہ آسٹریلیا کی بگ بیش لیگ کورونا وائرس کی لپیٹ میں آگئی، ٹی 20 لیگ میں شامل متعدد ٹیموں کے کھلاڑی کورونا وائرس کا شکار ہوگئے ہیں۔ 

بشکریہ جنگ