فاسٹ بولر زمان خان انگلش کاؤنٹی میں شرکت کیلئے برطانیہ روانہ

پاکستان کرکٹ ٹیم کے فاسٹ بولر زمان خان انگلش کاؤنٹی میں شرکت کے لیے برطانیہ روانہ ہو گئے۔

اکیس سالہ فاسٹ بولر سمر ٹی ٹوئنٹی بلاسٹ میں شرکت کریں گے جس میں وہ ڈربی شائر کی نمائندگی کریں گے۔

پاکستان سپر لیگ کی لگاتار دو مرتبہ چیمپئن بننے والی پہلی ٹیم لاہور قلندرز کے ڈائریکٹر عاقب جاوید نے کہا ہے کہ زمان خان حقیقی مانوں میں ایک گفٹ ہے۔

زمان خان لاہور قلندرز پی ڈی پی پروگرام کی پہچان ہیں۔

آزاد کشمیر سے تعلق رکھنے والے فاسٹ بولر لاہور قلندرز کے فاتح اسکواڈ کا حصہ ہونے کے ساتھ ساتھ پاکستان کرکٹ ٹیم کی بھی نمائندگی کر چکے ہیں۔

بشکریہ جنگ