فارن فنڈنگ کیس: عمران خان کے قریبی دوست طارق شفیع کو ایف آئی اے نے طلب کرلیا

پاکستان تحریک انصاف (پی ٹی آئی) کے ممنوعہ فارن فنڈنگ کیس میں وفاقی تحقیقاتی ادارے ایف آئی اے نے عمران خان کے قریبی دوست اور انصاف ٹرسٹ کے بانی طارق شفیع کو کل طلب کرلیا ہے۔

ایف آئی اے حکام کا کہنا ہے کہ انصاف ٹرسٹ کے لاہور میں واقع اکاؤنٹ میں مئی 2013 میں بھاری ٹرانزیکشن ہوئی، انصاف ٹرسٹ کے اکاؤنٹ میں تقریباً سوا 6 لاکھ امریکی ڈالر کی ٹرانزیکشن ہوئی۔

ذرائع کا کہنا ہے کہ ایف ائی اے نے پی ٹی آئی فنڈنگ کیس میں 15 اداروں کو نوٹس بھیج دیے، کاروباری اداروں کی جانب سے سیاسی جماعتوں کو فنڈنگ غیر قانونی ہے۔

ایف آئی اے کا کہنا ہے کہ یہ ٹرانزیکشن ووٹن کرکٹ لمیٹڈ کے اکاؤنٹ سے کی گئی، اس ٹرانزیکشن کی رپورٹ پی ٹی آئی دور میں ہی ایس ٹی آر سے ہوئی۔

حکام کا کہنا ہے کہ ایس ٹی آر اسٹیٹ بینک کے فنانشل مانیٹرنگ یونٹ نے جاری کی تھی، اسی انکوائری کے دوران مزید حقائق سامنے آئے، طارق شفیع کو تمام بینک ریکارڈز کے ساتھ کل اسٹیٹ بینک سرکل میں طلب کیا گیا ہے۔

ایف آئی اے کا کہنا ہے کہ اگر طارق شفیع پیش نہیں ہوئے تو قانونی کارروائی کی جائے گی۔

بشکریہ جنگ