غیر ملکی سرمایہ کاروں کو ہر ممکن سہولت فراہم کریں گے، چوہدری سالک حسین
وفاقی وزیر برائے سرمایہ کاری چوہدری سالک حسین کا کہنا ہے کہ غیر ملکی سرمایہ کاروں کو یقین دلاتے ہیں کہ اِنہیں ہر ممکن سہولت فراہم کریں گے۔
چوہدری سالک حسین نے روزنامہ ’جنگ‘ سے خصوصی گفتگو کرتے ہوئے کہا ہے کہ بطور وزیر برائے سرمایہ کاری پوری کوشش کریں گے کہ ملک میں زیادہ سے زیادہ غیر ملکی سرمایہ کاری آئے، غیر ملکی سرمایہ کاروں کے لیے پاکستان میں نفع بخش سرمایہ کاری کے بھرپور مواقع موجود ہیں۔
چوہدری سالک حسین نے کہا کہ چین پاکستان کا قابل اعتماد دوست ملک ہے اور اس وقت پاکستان میں سی پیک کی شکل میں بھاری سرمایہ کاری کررہا ہے جبکہ وہ چاہتے ہیں کہ جاپان سمیت دنیا کے تمام ممالک پاکستان میں سرمایہ کاری کریں تاکہ پاکستان کی معیشت میں بہتری آئے۔
انہوں نے کہا کہ چاہتے ہیں عام آدمی کو روزگار حاصل ہو اور پاکستان کی برآمدات میں اضافہ ہوسکے ۔
واضح رہے کہ گزشتہ روز ہی وزیر اعظم میاں شہباز شریف نے چوہدری سالک حسین کو وفاقی وزیر برائے سرمایہ کاری مقرر کیا ہے۔
Comments are closed.