غیر ملکی آل راؤنڈر بھارتی میڈیا پر بابر اعظم کے معترف
پاکستان سُپر لیگ میں لاہور قلندرز اور ورلڈکپ ٹی ٹوئنٹی میں نمیبیا کے آل راؤنڈر ڈیوڈ ویزا کا کہنا ہے کہ پاکستان کی بیٹنگ بابر اعظم کے گرد گھومتی ہے۔
انہوں نے کہا کہ بابراعظم اور ویرات کوہلی میں سے کسی ایک کا انتخاب کرنا بہت مشکل ہے۔
ڈیوڈ ویزا نے بھارتی میڈیا کو انٹرویو میں کہا کہ بابر ٹی ٹوئنٹی فارمیٹ میں نہایت مستقل مزاجی سے پرفارمنس دیتے ہیں، بابراعظم اوپننگ کرتے ہیں اور پوری اننگز بیٹنگ کرتے ہیں۔
انہوں نے کہاکہ ویرات کوہلی بابر اعظم سے تھوڑا سا زیادہ جارحانہ مزاج سے کھیلتے ہیں، ویرات کوہلی اور بابراعظم میں سے منتخب کرنا کہ کون بہتر ہوگا تھوڑا سا مشکل ہے۔
بشکریہ جنگ
Comments are closed.