غیر معمولی بارش کے باوجود کراچی ایئر پورٹ پر صورتحال معمول کے مطابق
کراچی میں غیر معمولی بارشوں کے باوجود کراچی ایئر پورٹ پر صورتِ حال معمول کے مطابق ہے۔
ایئر پورٹ کے تمام رن ویز طیاروں کی لینڈنگ اور ٹیک آف کے لیے محفوظ اور کلیئر ہیں۔
ترجمان سول ایوی ایشن اتھارٹی کے مطابق سوشل میڈیا پر کراچی ایئر پورٹ کی تازہ صورتِ حال سے منسوب کر کے ایک ویڈیو وائرل کی جا رہی ہے جس میں قومی ایئر لائن کے ایک طیارے کو رن وے پر جمع پانی سے گزرتے دیکھا جا سکتا ہے، یہ ویڈیو 2 سال پرانی ہے۔
ترجمان سول ایوی ایشن اتھارٹی نے اس کے ساتھ ہی کراچی ایئر پورٹ کے جناح ٹرمینل پر طیاروں کے پارکنگ ایریاز اور رن ویز کی تازہ ویڈیوز بھی شیئر کی ہیں جن میں کراچی ایئر پورٹ کے تمام ٹرمینلز پر صورتِ حال معمول کے مطابق ہے اور وہاں بارش کا پانی نظر نہیں آ رہا۔
بشکریہ جنگ
Comments are closed.