بدھ14؍شوال المکرم 1442ھ26؍مئی 2021ء

غیرملکی نیوز اینکر خبر پڑھتے پڑھتے ہنس پڑا

غیر ملکی ٹیلی ویژن کا اینکر پرسن خبر پڑھتے پڑھتے ہنس پڑا جس کی ویڈیو سوشل میڈیا پر وائرل ہوگئی۔

ایک نیوز اینکر خبر پڑھتے ہوئے بتا رہا ہے کہ ایک 57 سالہ شخص کو 2 مہینے پہلے 200 کلو میٹر فی گھنٹہ کی رفتار سے گاڑی چلانے پر عدالت نے جرمانہ کیا جس کی ادائیگی سے اس نے انکار کردیا۔

اینکر نے پڑھا کہ اس شخص نے کہا کہ وہ جو کام بھی کرتا ہے تیز کرتا ہے، وہ تیز کھاتا ہے، تیزی سے سوتا ہے، گاڑی تیز چلاتا ہے، مطالعہ تیزی سے کرتا ہے اور تیز چلتا ہے۔

اس نے مزید پڑھا کہ تیز رفتار ڈرائیور نے جب عدالت کو یہ بیان دیا تو عدالت نے کہا کہ دیکھتے ہیں کہ آپ 6 مہینے کی قید کتنی تیزی سے کاٹتے ہیں۔

یہ خبر پڑھنے کے ساتھ ہی نیوز اینکر کی ہنسی چھوٹ گئی اور وہ نہایت بےساختہ قہقہے لگانے لگا۔

بشکریہ جنگ
You might also like

Comments are closed.