غیرقانونی طریقے سے شہریوں کو بیرون ملک بھیجنے والے ملزم کا جسمانی ریمانڈ منظور

لاہور کی ضلع کچہری نے غیر قانونی طریقے سے شہریوں کو بیرون ملک بھیجنے والے ملزم کا 4 روزہ جسمانی ریمانڈ منظور کر لیا۔

انسانی اسمگلنگ کے الزام میں گرفتار ملزم طلحہ شاہ زیب کو عدالت میں پیش کیا گیا۔

وفاقی تحقیقاتی ادارے ( ایف آئی اے) نے عدالت کو بتایا کہ ملزم غیرقانونی طریقے سے شہریوں کو بیرون ملک بھیجتا ہے۔

وزیرِ داخلہ رانا ثنا اللّٰہ نے کہا ہے کہ انسانی اسمگلرز نے فی فرد 20 سے 25 لاکھ روپے وصول کیے۔

ایف آئی اے نے کہا کہ ملزم سے شہریوں کی 35 لاکھ روپے رقم برآمد کرنی ہے اور شریک ملزمان کو گرفتار کرنا مقصود ہے۔

وفاقی تحقیقاتی ادارے نے استدعا کی کہ عدالت ملزم کا 7 روز کا جسمانی ریمانڈ فراہم کرے۔

بشکریہ جنگ