غزہ میں اسرائیلی جنگی جرائم، اردن نے اسرائیل سے اپنا سفیر واپس بُلا لیا

غزہ میں اسرائیل کی وحشیانہ بمباری اور جنگی جرائم کا سلسلہ جاری ہے، عرب میڈیا کے مطابق اس صورتحال پر اردن نے اسرائیل سے اپنے سفیر کو واپس بُلا لیا۔ 

عمان سے اردنی وزارت خارجہ کا اس حوالے سے کہنا ہے کہ غزہ میں جاری جنگ کے خلاف اسرائیل سے اپنے سفیر کو فوری واپس بلالیا ہے۔

اردنی وزارت خارجہ کا مزید کہنا تھا کہ اسرائیل سے اس کے سفیر کو اردن واپس نہ بھیجنے کا بھی کہا ہے۔

 اردنی وزارت خارجہ کے مطابق سفیروں کی واپسی اسرائیل کی غزہ میں جنگ روکنے سے مشروط ہے۔

بشکریہ جنگ