غزہ: اسرائیل بمباری سے 24 گھنٹوں میں 200 سے زائد فلسطینی شہید

غزہ میں اسرائیل کے وحشیانہ حملوں کا آج 82واں روز تھا، گزشتہ 24 گھنٹوں میں اسرائیلی بمباری سے 200 سے زائد فلسطینی شہید ہوگئے۔ 

فلسطینی وزارت صحت کے مطابق اسرائیلی بمباری سے شہید فلسطینیوں کی تعداد 21 ہزار 110 ہوگئی۔ غزہ میں اسرائیلی حملوں سے 55 ہزار 243 فلسطینی زخمی ہیں۔

غزہ کے رہائشی علاقوں پر حملوں میں اسرائیلی فوج نے گزشتہ 24 گھنٹوں میں مزید دو سو سے زیادہ فلسطینی شہید کر دیے جبکہ دیر البلاح کی مسجد بھی شہید کردی۔

کیٹی پیری نے فلسطینی قیدیوں کے ساتھ جابرانہ برتاؤ نہیں کیا، اسرائیلی مشیر قومی سلامتی

اسرائیلی فوج نے بھیانک جنگی جرائم کا ارتکاب کیا۔ اس نے لاشوں سے اعضا چُرا لیے۔ 80 سے زیادہ مسخ شدہ لاشوں کی رفح میں اجتماعی تدفین کردی گئی۔

مغربی کنارے میں اسرائیلی ڈرون حملے میں 6 فلسطینی شہید ہوگئے۔ فلسطینی مزاحمتی گروپوں نے غزہ میں متعدد اسرائیلی ٹینک، بلڈوزر تباہ کر دیے۔

گزشتہ پانچ روز میں 24 اسرائیلی فوجی بھی مارے گئے۔

بشکریہ جنگ