عون چوہدری وزیراعظم کے معاون خصوصی کے عہدے سے مستعفی، ذرائع

عون چوہدری وزیراعظم کے معاون خصوصی کے عہدے سے مستعفی ہوگئے۔

ذرائع کا کہنا ہے کہ عون چوہدری نے استحکام پاکستان پارٹی میں شمولیت کی وجہ سے استعفیٰ دیا۔

فردوس عاشق اعوان کا کہنا ہے کہ استحکام پاکستان پارٹی آنے والے الیکشن میں حصہ لے گی۔

استحکام پاکستان پارٹی نے اپنے ارکان کو حکومتی عہدوں سے الگ ہونے کا کہا تھا۔

یاد رہے کہ گزشتہ ماہ استحکام پاکستان پارٹی نے اپنے رہنماؤں کو وفاقی کابینہ سے مستعفی ہونے کی ہدایات جاری کی تھیں۔

صدر استحکام پاکستان پارٹی علیم خان کی ہدایات وفاقی کابینہ میں موجود دونوں رہنماؤں عون چوہدری اور نعمان لنگڑیال کو پہنچا دی گئی تھیں۔

فردوس عاشق اعوان کا کہنا تھا کہ استحکام پاکستان پارٹی آنے والے الیکشن میں حصہ لے گی۔

رہنما استحکام پاکستان پارٹی نے کہا تھا کہ نچلی سطح تک رسائی کیلئے پارٹی کا تنظیمی ڈھانچہ جلد تشکیل دیا جائے گا۔

بشکریہ جنگ