عوام کو بھکاری بناکر بڑے ریلیف کی باتیں کررہے ہیں، مریم اورنگزیب

پاکستان مسلم لیگ ن کی ترجمان مریم اورنگزیب نے کہا ہے کہ نوجوانوں کو بے روزگار اور عوام کو بھکاری بناکر بڑے ریلیف کی باتیں کررہے ہیں۔

اپنے بیان میں مریم اورنگزیب نے کہا کہ ریلیف دینا ہے تو آٹا اور چینی پرانی قیمتوں پر واپس لائیں۔

قوم سے خطاب میں وزیر اعظم کا کہنا تھا کہ ریلیف پیکج سے دو کروڑ خاندانوں کو فائدہ ہو گا، کامیاب پاکستان پروگرام کے تحت 40 لاکھ خاندان بلاسود قرض لے سکیں گے۔

مریم اورنگزیب نے وزیراعظم عمران خان سے استعفے کا مطالبہ کرتے ہوئے اسے تمام مسائل کا حل قرار دیا۔

بشکریہ جنگ