عوام کو اعتماد ہے وزیراعظم ذاتی مفادات کیلئے کوئی کام نہیں کریگا، فواد چوہدری

وفاقی وزیر اطلاعات فواد چوہدری کا کہنا ہے کہ عوام کو اعتماد ہے وزیراعظم ذاتی مفادات کیلئے کوئی کام نہیں کرے گا۔

سماجی رابطے کی ویب سائٹ ٹوئٹر پر اپنے بیان میں وفاقی وزیر اطلاعات فواد چوہدری نے کہا ہے کہ ٹرانسپیرنسی ہو یا کوئی اور سروے، طویل عرصے بعد سیاسی حکومت سے متعلق اعتماد ظاہر ہوا ہے۔

وفاقی وزیر نے کہا کہ اعتماد ظاہر ہوا ہے کہ سیاسی حکومت کرپٹ عناصر پر مشتمل نہیں ہے۔

ان کا مزید کہنا تھا کہ 89 فیصد لوگ کورونا پر حکومتی اقدامات کی تائید کرتے ہیں، یہ بہت بڑی کامیابی ہے۔

بشکریہ جنگ