عوام نے PDM کا بیانیہ مسترد کر دیا: پرویز خٹک

وزیرِدفاع پرویز خٹک کا اپوزیشن پر تنقید کرتے ہوئے کہنا ہے کہ پاکستان ڈیمو کریٹک موومنٹ (پی ڈی ایم) کے بیانیئے کو عوام نے مسترد کر دیا۔

پرویز خٹک نے کہا کہ میاں صاحب کی کارکردگی اچھی ہوتی تو پنجاب انہیں مسترد نہیں کرتا، انہیں ایسی شکست دی ہے کہ ساری زندگی یاد رکھیں گے۔

یہ بات وزیرِدفاع پرویز خٹک نے اضاخیل میں جلسے سے خطاب کرتے ہوئے کہی ہے۔

انہوں نے کہا ہے کہ آزاد کشمیر کے انتخابات میں پاکستان تحریکِ انصاف (پی ٹی آئی) کی جیت عوام کا فیصلہ ہے۔

وزیر دفاع پرویز خٹک نے اپوزیشن جماعتوں سے استفسار کیا ہے کہ ملک میں لوگوں کے پاس گاڑیاں ہیں ، اچھا رہن سہن ہے ، بتائیں کہاں غربت ہے؟

پرویز خٹک کا مزید کہنا ہے کہ اپوزیشن جماعتیں آپس میں اپنےمعاہدوں پر تقسیم ہو چکی ہیں۔

وزیرِ دفاع نے یہ بھی کہا ہے کہ وزیرِ اعظم عمران خان اپوزیشن جماعتوں کے ہاتھوں بلیک میل نہیں ہوں گے۔

بشکریہ جنگ