عملے کی ڈیوٹی کا وقت ختم، PIA پرواز منزل پر پہنچنے سے قبل ہی اتارلی گئی

عملے کی تبدیلی کی وجہ سے سعودی عرب سے اسلام آباد کی پرواز کو کراچی میں لینڈنگ کروانا پڑ گئی۔ 

ذرائع کا کہنا ہے کہ قومی ایئرلائن کی پرواز پی کے 9754 ریاض سے اسلام آباد جارہی تھی۔

ترجمان پی آئی اے نے بتایا کہ طیارہ کے عملے کے ارکان کی ڈیوٹی کا دورانیہ مقررہ وقت سے زیادہ ہوگیا تھا۔

انہوں نے یہ بھی بتایا کہ پی آئی اے کے بوئنگ 777 طیارے کو کچھ وقت کے لیے کراچی میں اتارا گیا۔

ترجمان پی آئی اے کے مطابق کراچی میں عملے کی تبدیلی کے بعد فلائٹ اسلام آباد روانہ ہوگئی تھی۔

بشکریہ جنگ