عمرہ زائرین کے ویزوں کی رقوم اور فیسوں کی مکمل ادائیگیاں بینکنگ چینل کے ذریعے کیے جانے کا انکشاف سامنے آیا ہے جس پر ایک وفاقی تحقیقاتی ادارے نے عمرہ اور ٹریول کمپنیوں کے خلاف لاکھوں ریال کی غیرقانونی منتقلی کی تحقیقات شروع کردی ہیں۔
ذرائع کے مطابق اس سلسلے میں لاکھوں ریال کی حوالہ ہنڈی یا دیگر غیرقانونی ذرائع سے بیرون ملک ادائیگی کی گئی۔
تحقیقاتی ذرائع کے مطابق گزشتہ عرصے میں پاکستان کے عمرہ زائرین کی تعداد کے اعتبار سے رقوم کی منتقلی کے شواہد نہ ملنے پر تحقیقات کا آغاز کیا گیا ہے۔
ذرائع کا بتانا ہے کہ اس سلسلے میں کافی تعداد میں شواہد بھی حاصل کر لیے گئے ہیں۔
ذرائع کے مطابق لاہور کی ایک بڑی عمرہ کمپنی بھی تحقیقات کی زد میں آگئی ہے۔
ذرائع کے مطابق اس سلسلے میں پاکستان ہی نہیں سعودی عرب میں بھی بعض عمرہ کمپنیوں کے خلاف تحقیات جاری ہیں، ان عمرہ کمپنیوں پر بھی ویزہ فیس بینکنگ چینلز کے علاوہ دیگر ذرائع سے وصول کرنے کا الزام ہے۔
Comments are closed.