عمران خان 20 لاکھ تو کیا 20 ہزار لوگک بھی نہیں لاسکتا، رانا ثناء اللّٰہ

وفاقی وزیر داخلہ رانا ثناء اللّٰہ کا کہنا ہے کہ عمران خان 20 لاکھ تو کیا 20 ہزار لوگ بھی اسلام آباد میں نہیں لاسکتا، اگر میں چاہوں تو 20 لوگ بھی اسلام آباد نہیں آسکتے۔

 جیونیوز سے گفتگو کرتے ہوئے راناثناء اللّٰہ نے کہا کہ پالیسی حکومت بنائے گی، میں اس پر عملدرآمد کرواؤں گا، اپنے طور  پر سختی یا نرمی نہیں کرسکتا۔

رانا ثناء نے کہا کہ حکومت کو نظام انصاف، انتخابی اصلاحات اور معاشی پالیسی کے لیے نواز شریف کے وژن کےمطابق چلنا ہے، یہاں فیصلے کرنے نہیں نواز شریف کی ہدایات لینے آئے ہیں۔

وزیر داخلہ نے کہا کہ  بجٹ کی تیاری کی جا رہی ہے، بجٹ میں نواز شریف کی سوچ کے مطابق عام آدمی کو ریلیف دینا ہے۔

بشکریہ جنگ